Para malinaw:

1. ang pagpapatay ay mali. ang pagpapatay dahil sa pulitika ay mali. kahit kailan, hindi ko dinidepensa ang pagpapatay.

2. iba iba ang depinisyon natin ng paggiging kaliwa, at ang pananaw natin tungkol sa mga aralin at stratehiyang ginagamit ng mga natdem. ngunit, para malinaw: tutol ako sa pagpatay, pag-aresto, pagdukot, pagabuso sa kanila, sa mga kaalyado nila, o sa mga taong binibintangang kasama nila.

3. ngunit sa pananaw ko, ang nakakagulat at nakakadismaya, ay may opisyal (ngunit nililihim) na patakaran: ubusin ang lahi ng mga itunuturing komunista at mga kaalyado nila: kung sinasabi mo hindi "left" ang akbayan, kailangan din nating tanggapin na sa mata ng militar, ibang opsiyal at mga burgis, etc., walang pagkakaiba ang pula o "pink".

4. kailangan nating ipaliwanag kung bakit manhid ang iba (kung di mo tatanggapin ang pananaw ko na manhid ang nakakarami). sinubukan kong ipaliwanag. hindi ka kontento sa pagpapaliwanag ko -at dahil doon, nagsulat ka. ngayon, puwede tayong magdebate o kahit hinde, mamamasdan ng iba ang pananaw at explanasyon mo: sa mga pamamagitang ganito nagkakaroon ng pagkakaunawa.

Nagpapasalamat ako sa iyo na hindi mo lang isinang-tabi ang aking sinulat, ngunit, sinagot mo: at mahalaga na mapilitan ang lahat na kontrahin ang mga bagay na itunutukoy mo. Una, ang tinatawag na democratic space ay hindi pribilehiyo kundi karapatan ng lahat; ang mga bias ay hindi dapat maging dahilan upang ibaliwala ang madugo at maladambuhalang pananakot at pagpapatay na ginagawa nila palparan. at ang pagkakaroon ng iba't ibang pananaw tungkol sa pulitika ay hindi dapat maging oportunidad upang ipahamak ang kumilikos tungo sa mas magandang kinabukasan (ayon sa pananaw ng mga kumikilos): ang taongbayan naman ang huhusga diyan.

ang pagpapaliwanag ay hindi masakit: kaya nagpapasalamat ako sa iyo, kahit hindi naman tayo palaging magkakaroon ng parehong tanaw. ngunit kung sa palagay mo, makakatulong ang paglilinaw ng mga bagay na pinaguusapan natin sa kolum ko, may dalawa tayong puwedeng gawin:

a. kung gusto mo, o ng hanay mo, na sumagot sa kolum ko, ilalabas ko siya doon; o,

b. puwede kong ipaliwanag sa kolum ko ang mga ipinaliwanag ko sa komento na ito, upang hindi malito ang mga tagasubaybay ng kolum -at maging malinaw na kahit kailanman, hindi ako magiging sang ayon sa pananaw nila palparan na ang pagapatay ay ang "solusyon" sa kwestiyon ng idelohiya.

manolo

hindi ko sigurado kung tugon din ito sa artikulo ko , pero hayaan mo ding mabilis na maglinaw ako sa ilang mga punto.

1. mabuti at inilinaw mo ang iyong pagtutol sa mga pagpaslang. tiyak kong batid ito ng mga sumusubaybay sa kolum mo kaya't nagulat din sila sa nilalaman ng iyong artikulo.

2. kung susundin ang daloy at nilalaman ng iyong artikulo, ganito sa aking pagkaunawa ang nilalaman:

> maraming pinapatay na mga aktibista

> kalakhan ay hindi nababahala sa mga pagpaslang, alam nyo kung bakit?

> dahil ito sa pagpatay ng tao, pagsikil sa karapatan at pagiging halimaw din ang nasa puso ng mga ito at marami silang naidulot sa salot sa taumbayan

Sa pagbaybay pa lamang sa mga dito, pwera pa sa pagtaya ng mga merit at demerit ng mga nabanggit na punto, sa tingin ko, sa simpleng mga kataga, well, hindi magandang sabihin ito sa gitna ng pagluluksa ng mga pamilyang namatayan, at mga kaibigang nawalan.

Hindi masisisi ang mga nanggagalaiti sa galit at pagkadismaya sa pagkabasa ng iyong artikulo.

3. bukod sa pag-"tag" bilang komunista, tingin ko ang mensahe mismo ng artikulo ay nagbibigay ng higit na panganib at pangamba sa mga pinapaslang, at nagbibigay ng lisensya sa mga kriminal na pumapaslang.

ngayon pwedeng pwede nang iproklama ni Palparan sa radio program niya na ang isang prominenteng political analyst/historian ay naghahayag na "wala namang pakialam pala ang malawak na mamamayan sa pamamaslang, at marami ang naniniwalang mga salot sila."

kung may matutuwa sa artikulo, iyon ay ang Malakanyang at sina Palparan.

hindi ko sinasabing wag mong paniwalaan o ihayag ang mga pagtingin mo laban sa kaliwa pero siguro, mas inaasahan maging sensitibo sa gitna ng mga kaganapang ito.

nabatid ito ng mga tagapagtaguyod ng malayang pamamahayag, nina Doronilla at marami pang mga kolumnista, maging ng CBCP, at ng internasyunal na mga human rights groups kaya't malinaw ang kanilang mga pahayag laban sa mga pamamasalang.

4. ang mensahe na "walang pakialam ang malawak na mamamayan sa mga pagpaslang" ay nagbibigay ng lakas ng loob sa mga pumapaslang (hindi nga rin magiging katakataka kung sa susunod ito na ang linya ni Bert Gonzales), at taliwas ito sa mga naoobserbahan na nabanggit na sa tugong artikulo.

Ang malinaw: may partikular at espesyal na atensyon ngayong itinutuon dito ang midya at mamamayan, lalo na ang mga nasa mga rehiyon kung saan laganap ang pamamslang.

Kung "pakialam" ng "mas marami o mas malawak" pa at/o malalakas at malakihang mga aksyong lansangan ng mamamayan ang hinahanap, iba pang usapin ito. Medyo general naman iyon, hindi lang sa kaso ng pamamaslang ang kawalang interes ng "marami" kundi sa iba pang mga usaping pampulitika at panlipunan. ibig sabihin, hindi maaaring ang anti-komunistang damdamin ang tukuying pangunahing salarin sa kawalang pakialam.

sana nakatulong sa pagkakaunawaan ang mga puntong ito. nakakalungkot lamang na sa pagtatalakayan natin dito, may mga pinapatay na muli at binabaril sa mga malayong ibayo.